O‘zbekistonda aholisi soni milliondan oshgan viloyatlar 11 taga yetdi

O‘zbekistonda aholisi soni milliondan oshgan viloyatlar yana bittaga ko‘paydi, deb xabar bermoqda Davlat statistika qo‘mitasi.

Qayd etilishicha, 2020-yil 1-oktabr holatiga ko‘ra, Navoiy viloyatining doimiy aholisi soni 1 million 900 ming 300 kishini tashkil etib, respublikadagi aholisi soni milliondan ko‘p bo‘lgan viloyatlar qatoriga kirdi.

Sirdaryo viloyatining doimiy aholisi soni esa 856 ming 900 kishini tashkil etib, respublikadagi aholisi soni milliondan kam yagona viloyat bo‘lib qolmoqda.

Respublikada doimiy aholi sonining hududlar bo‘yicha taqsimlanishi 2020-yil 1-oktabr holatiga ko‘ra quyidagicha:

• Samarqand viloyati — 3 million 928 ming 700 kishi;
• Farg‘ona viloyati — 3 million 802 ming 700 kishi;
• Qashqadaryo viloyati — 3 million 318 ming kishi;
• Andijon viloyati — 3 million 172 ming 100 kishi;
• Toshkent viloyati — 2 million 977 ming 800 kishi;
• Namangan viloyati — 2 million 852 ming 300 kishi;
• Surxondaryo viloyati — 2 million 667 ming 300 kishi;
• Toshkent shahri — 2 million 654 ming 600 kishi;
• Buxoro viloyati — 1 million 939 ming 600 kishi;
• Qoraqalpog‘iston Respublikasi – 1 million 916 ming 100 kishi;
• Xorazm viloyati – 1 million 884 ming 100 kishi;
• Jizzax viloyati – 1 million 403 ming 200 kishi;
• Navoiy viloyati – 1 million 9 ming 300 kishi;
• Sirdaryo viloyati – 856 ming 900 kishi.