Samarqandlik taniqli tadbirkor, “Umar” qurilish kompaniyasi rahbari, xalq orasida Umar nomini olgan Olim Rajabovga nisbatan qo‘zg‘atilgan jinoyat ishi bo‘yicha 2019-yilda sud hukmi chiqarilib, tadbirkor 11 yilga ozodlikdan mahrum etilgandi. Jinoyat ishlari bo‘yicha Samarqand viloyat sudi sudyasi I.Hamidovning “Zarnews”ga ma’lum qilishicha, mazkur sud hukmi bo‘yicha apellyatsiya ishi ko‘rib chiqilgan.
Jinoyat ishlari bo‘yicha Samarqand viloyat sudi apellyatsiya instansiyasi sudlov hay’atining 2020-yil 7-oktabrdagi ajrimiga ko‘ra, yuqorida qayd qilingan hukmning Olim Rajabov, Ruslan Rajabov, Shavkat Ablaqulov, Mira’lam Adilov va Fayzullo Fayziyevga oid qismi o‘zgartirilgan.
Sudlanuvchi Olim Rajabov, Ruslan Rajabov, Shavkat Ablaqulov, Mira’lam Adilov va Fayzullo Fayziyevlardan solidar tartibda jabrlanuvchilar foydasiga quyidagi miqdorlardagi mablag‘larni undirish belgilangan.
- jabrlanuvchi O.Xalilova foydasiga 216 million so‘m;
- jabrlanuvchi M.Jalilova foydasiga 266 million 220 ming 920 so‘m;
- jabrlanuvchi D.Safoyeva foydasiga 292 million 189 ming 360 so‘m;
- jabrlanuvchi M.Xurramova foydasiga 100 million 530 ming so‘m;
- jabrlanuvchi M.Qurbonova foydasiga 1 milliard 654 million 372 ming 860 so‘m;
- jabrlanuvchi K.G‘aniyev foydasiga 573 million 899 ming 853 so‘m;
- jabrlanuvchi M.Sobirova foydasiga 277 million 697 ming 250 so‘m;
- jabrlanuvchi E.Mahmudova foydasiga 385 million 69 ming 545 so‘m;
- jabrlanuvchi G.Xo‘jayeva foydasiga 365 million 760 ming 370 so‘m;
- jabrlanuvchi F.Isomov foydasiga 247 million 205 ming 140 so‘m.
- “Afrosiyob Xosiyat Begim Makoni” MChJ nomidagi 51 million so‘mlik “Zil-133 GYA”, 31,5 million so‘mlik “VAZ-2104”, 28,068 million so‘mlik “Buldozer T-170”;
- “Qurilish Mahsulot Trans Servis” MChJ nomidagi 70 million 432 ming 256 so‘mlik Lacetti, 32,5 million so‘mlik “VAZ-21041-30”;
- “Xotam Stroy Invest” MChJ nomidagi 60 million 179 ming 600 so‘mlik Spark;
- “Afrosiab Realty” MChJ nomidagi 50,054 million so‘mlik Damas, 48 million so‘mlik “ZIL MMZ-554”, 36 million 41 ming 678 so‘mlik Spark.
Pastdarg‘om tumani Juma shahri “Bo‘ston” mahallasida “Afrasiab realty” MChJ tomonidan ko‘p qavatli turar joy binolari qurilishi bo‘yicha jabrlanuvchilarga kelgusida moddiy zararlarni undirish borasida sudga murojaat qilish huquqiga ega ekanligi tushuntirilgan.
Sud hukmi va apellyatsiya instansiyasining ajrimi bilan jabrlanuvchilarga yetkazilgan moddiy zararlarni undirish uchun Majburiy ijro byurosi hududiy bo‘limlariga ijro varaqalari yuborilib, ijrosi qonun hujjatlariga asosan ta’minlanadi.
Eslatib o‘tamiz, “Umar” qurilish kompaniyasi qurgan uylar atrofidagi mojarolar 2 yil davom etgan. Tadbirkorga ruxsatnoma olmasdan turib uy-joylar qurishni boshlagani va bo‘lajak xaridorlardan 900 million so‘mdan ortiq naqd pul mablag‘ yig‘ib olganlik bo‘yicha ayblov qo‘yilgandi. Mazkur ayblov sabab Umar Rajabov va uning hamkorlari Jinoyat kodeksining 168-moddasi 3, 4-bandlarida (firibgarlik) ko‘zda tutilgan jinoyatda ayblanib, 2019-yilning fevral oyida hibsga olingandi.
Izoh (0)