Америкалик яккакурашчи Жастин Гэтжи (22-2) енгил вазн тоифасида UFC чемпиони Ҳабиб Нурмагомедовнинг (28-0) кураш усулларига қай тариқа қарши курашишини айтди.
«Ҳаётдан мисол келтирсак, агар бир киши мени ушлаб, ҳаракатсиз қолдира олса, иккинчиси мен билан исталган ишни қилиши ва ғалаба қозониши мумкин. Шундай экан, ҳаётда бўлгани каби бу ишга йўл қўйиб бермаслик керак.
Жангда Ҳабиб мени ушлай олмаслиги учун барча ишни қиламан. Максимал даражада агрессив бўламан, таваккал қиламан ва унга бу ишни қилишга йўл қўймайман», — дейди Гэтжи.
Ҳабиб Нурмагомедов ва Жастин Гэтжи ўртасидаги жанг 24 октябрь оқшомида БААдаги «Жангчилар ороли»да ўтказиладиган UFC 254 мусобақасининг асосий воқеаси бўлади. Қайд этиш жоиз, UFC 254 мусобақасида ўзбекистонлик Лилия Шокирова ҳам иштирок этади. Ушбу мусобақани бу ерда томоша қилиш мумкин — ҳавола.
Янада кўпроқ футбол ва спорт янгиликларидан бохабар бўлишни истасангиз, «Дарё»нинг Telegram’даги расмий спорт канали — @Daryo_Sport24’га обуна бўлинг!
Изоҳ (0)