“Barselona” futbolchilari maoshlarining kamaytirilishiga qarshi chiqdi

“Barselona” futbolchilari maoshlarning kamaytirilishi bo‘yicha klub rahbariyatiga norozilik xatini yo‘lladi. Bu haqida Marca nashri xabar bermoqda.

“Klub o‘z xabarnomasida keltirilgan dalillari orqali bizning huquqlarimizni buzmoqda va biz bunga toqat qila olmaymiz. Xarajatlarni kamaytirishning yagona yo‘li sifatida klubning barcha bo‘limlari bilan birgalikda harakat qilishi ko‘rilmoqda. Klub rahbariyati bunga ishonmoqda. Biroq ular ayrim bo‘limlarda o‘zlari xohlagan iqtisodiy tuzatishlarni amalga oshirib, gapirgan gaplariga qarshi ish qilib bo‘lgani ham haqiqat”, — deya xatdan iqtiboq keltiradi Marca.

Qayd etilishicha, futbolchilar xatni birgalikda yo‘llagan. Ular ushbu muammoni hamjihatlikda hal qilishni rejalashtirgan. Qayd etish joiz, avvalroq Mark-Andre ter Shtegen, Kleman Langle, Frenki de Yong hamda Xerard Pike klub bilan shartnomalarini uzaytirgan edi. Shunga qaramay ular ham jamoalari bilan birga ekanligi ta’kidlanmoqda.