18-oktabr kuni Turkmaniston prezidenti Gurbanguli Berdimuhamedov Ichki ishlar vazirligining avtosport bo‘yicha markaziga tashrif buyurdi, deb yozmoqda “Xronika Turkmenistana”.
Xabarga ko‘ra, u markazga kelish chog‘ida jismoniy mashqlar bajargan va skandinavcha yurish bilan shug‘ullangan.
“Turkmenistan segodnya” davlat axborot agentligi davlat rahbarining sport mashqlarini mahorat bilan bajarishi jismoniy tarbiya va sport bilan ko‘p yillar davomida shug‘ullanganligining samarasi ekanini qayd etgan va Berdimuhamedov sportda erishgan natijalarni eslatib o‘tgan:
- 1972-yil 15 yoshida bo‘lajak prezident klassik kurash bo‘yicha Ashxobod chempioni bo‘lgan;
- 1973-yilda 16 yoshida mamlakatda stenddan o‘q otish bo‘yicha mamlakat chempionligiga erishgan;
- 2008-yilda karate bo‘yicha 6-dan qora belbog‘ sohibiga aylangan;
- 2009-yilda Osiyo Olimpiya kengashining (OCA) ordeni bilan mukofotlangan;
- 2010-yilda karate-do bo‘yicha Butunyaponiya federatsiyasining faxriy a’zosi sifatida sertifikatga ega bo‘lgan, o‘sha yili aprelda taekvando bo‘yicha qora belbog‘ning yettinchi darajasini olgan, 2012-yil sentabrida karate bo‘yicha 10-dan qora belbog‘ diplomiga sazovor bo‘lgan.
Mavzuga doir: Turkmaniston Konstitutsiyasiga mamlakatda ikki palatali parlament joriy etilishi haqidagi o‘zgartirish kiritildi
Shuningdek, ikki amaldor markaz ixtiyoriga yangi turdagi sport avtomobillari kelganini aytib, Berdimuhamedovga yangi BMW’ni sinovdan o‘tkazishni taklif qilgan.
“Gurbanguli Berdimuhamedov BMW’da bir nechta keskin burilishlarni amalga oshirib, sport avtomobilini sinagan va chempionatlarning o‘tkazilishiga ruxsat berib, mashinani IIV avtosport markaziga tuhfa etdi”, – deyiladi “Turkmenistan segodnya” davlat axborot agentligi xabarida.
Izoh (0)