Ba’zi OAVlarda 2020-yilning 17-oktabr kuni Toshkent shahar Uchtepa tumanida bir mansabdor shaxs uch qavatli uyning hovlisida to‘y o‘tkazgani haqida xabar berildi. Unga ko‘ra, to‘yga karantin qoidalariga zid ravishda 30 nafardan ortiq mehmon tashrif buyurgan va mehmonlar to‘yga ko‘p qavatli uyning umumiy kirish joyidan kirib chiqqan. Xabarda aytilishicha, bu holat mazkur uyda yashovchi boshqa fuqarolarning noroziligiga sabab bo‘lgan va ular ichki ishlar idoralariga bu haqda xabar bergan. Ichki ishlar xodimlari to‘y bo‘layotgan joyga tashrif buyurgan, biroq ular hech qanday chora ko‘rmagan.
Toshkent shahar IIBB tomonidan ma’lum qilinishicha, ijtimoiy tarmoqlarda tarqalgan mazkur to‘y suratlarini o‘rganish davomida tadbir tashkilotchisi 53 yoshli Akmaljon A. ekanligi aniqlangan.
Tadbirdan ikki kun avval, ya’ni 15-oktabr kuni Uchtepa tumani IIO FMB 7-son ichki ishlar bo‘limi profilaktika inspektori kapitan O. Rahimov Akmaljon A. bilan amaldagi karantin qoidalari haqida tushuntirish suhbati o‘tkazgan. Ammo fuqaro ogohlantirishlarga qaramasdan, to‘yga 40-45 kishini taklif qilgan.
Mazkur fakt asosida Akmaljon A.ga nisbatan O‘zbekiston Respublikasi Ma’muriy javobgarlik to‘g‘risidagi kodeksning 54-moddasi bo‘yicha ma’muriy bayonnoma rasmiylashtirildi. Hujjatlar Uchtepa tumani DSENMga yo‘naltirildi, natijada qoidabuzarga 4 446 000 so‘mlik jarima solindi.
Mavzuga doir:
- O‘zbekistonda 1 kunda to‘yga 30 kishidan ortiq odam chaqirish bilan bog‘liq 300 ta qoidabuzarlik aniqlandi
- To‘yiga belgilanganidan ortiq odam chaqirgan “Bravo” kulgi jamoasi a’zosi Ahmad Temurov jarimaga tortildi
- To‘yini Tashkent City’da o‘tkazgan Vohidjon Isoqovga 4,5 mln so‘m jarima yozildi
- Dehqonobodda to‘yiga 30 kishidan ko‘p mehmon chaqirgan 9 ta to‘y egasi va 1 nafar to‘yxona rahbariga ma’muriy bayonnoma tuzildi
Izoh (0)