Баъзи ОАВларда 2020 йилнинг 17 октябрь куни Тошкент шаҳар Учтепа туманида бир мансабдор шахс уч қаватли уйнинг ҳовлисида тўй ўтказгани ҳақида хабар берилди. Унга кўра, тўйга карантин қоидаларига зид равишда 30 нафардан ортиқ меҳмон ташриф буюрган ва меҳмонлар тўйга кўп қаватли уйнинг умумий кириш жойидан кириб чиққан. Хабарда айтилишича, бу ҳолат мазкур уйда яшовчи бошқа фуқароларнинг норозилигига сабаб бўлган ва улар ички ишлар идораларига бу ҳақда хабар берган. Ички ишлар ходимлари тўй бўлаётган жойга ташриф буюрган, бироқ улар ҳеч қандай чора кўрмаган.
Тошкент шаҳар ИИББ томонидан маълум қилинишича, ижтимоий тармоқларда тарқалган мазкур тўй суратларини ўрганиш давомида тадбир ташкилотчиси 53 ёшли Акмалжон А. эканлиги аниқланган.
Тадбирдан икки кун аввал, яъни 15 октябрь куни Учтепа тумани ИИО ФМБ 7-сон ички ишлар бўлими профилактика инспектори капитан О. Раҳимов Акмалжон А. билан амалдаги карантин қоидалари ҳақида тушунтириш суҳбати ўтказган. Аммо фуқаро огоҳлантиришларга қарамасдан, тўйга 40-45 кишини таклиф қилган.
Мазкур факт асосида Акмалжон А.га нисбатан Ўзбекистон Республикаси Маъмурий жавобгарлик тўғрисидаги кодекснинг 54-моддаси бўйича маъмурий баённома расмийлаштирилди. Ҳужжатлар Учтепа тумани ДСЭНМга йўналтирилди, натижада қоидабузарга 4 446 000 сўмлик жарима солинди.
Мавзуга доир:
- Ўзбекистонда 1 кунда тўйга 30 кишидан ортиқ одам чақириш билан боғлиқ 300 та қоидабузарлик аниқланди
- Тўйига белгиланганидан ортиқ одам чақирган «Браво» кулги жамоаси аъзоси Аҳмад Темуров жаримага тортилди
- Тўйини Tashkent City’да ўтказган Воҳиджон Исоқовга 4,5 млн сўм жарима ёзилди
- Деҳқонободда тўйига 30 кишидан кўп меҳмон чақирган 9 та тўй эгаси ва 1 нафар тўйхона раҳбарига маъмурий баённома тузилди
Изоҳ (0)