Qozog‘istonning Jambil viloyatida O‘z xavfsizlik boshqarmasi va maxsus bo‘linma xodimlari giyohvand moddalar savdosida gumonlangan amaldagi politsiyachilarni qo‘lga olish bo‘yicha maxsus operatsiya o‘tkazdi, deb xabar beradi Tengrinews.
Qozog‘iston IIV matbuot xizmatining ma’lumotlariga ko‘ra, tezkor operatsiyada Jambil viloyati politsiya departamentining Shokpar stansiyasi politsiya bo‘limi xodimlari qo‘lga olingan.
O‘z xavfsizlik boshqarmasi xodimlari tekshiruv tadbirlari davomida gumonlanuvchilar giyohvand moddalarni noqonuniy yig‘ish va keyinchalik ularni sotish uchun Qumo‘zak hududiga chiqishni rejalashtirayotganini aniqlangan.
Noqonuniy harakatlarning oldini olish uchun maxsus operatsiya boshlangan. Politsiyachilar Shu—Taroz avtomobil yo‘lini yopib, gumonlanuvchilar harakatlanayotgan transport vositasini to‘xtatgan.
Biroq gumonlanuvchilar harakatlanayotgan avtomobil haydovchisi mashinani maxsus bo‘linma xodimining ustiga qasddan haydab, unga og‘ir tan jarohati yetkazgan. O‘qotar qurollar bilan qurollangan gumonlanuvchilar ta’qibdan katta tezlikda yashirinishga uringan. Mashinada uch kishi bo‘lgan.
Politsiyachilar tomonidan otilgan ogohlantiruvchi o‘qlarga gumonlanuvchilar to‘xtamagan. Shunda politsiya xodimlari transport vositasini o‘qqa tutgan. Natijada uch nafar gumonlanuvchining ikkitasi yaralagan. Ulardan biri shifoxonada vafot etgan, ikkinchisiga ega statsionar sharoitda yordam ko‘rsatilgan. Gumonlanuvchilarning uchinchisi esa hozirda vaqtinchalik izolyatorda saqlanmoqda.
Izoh (0)