Dubay hukumati ortga qaytish chiptasiga ega bo‘lmagan sayyohlarning amirlik hududiga kirishini taqiqlab qo‘ydi. Bu haqda Travel Daily Media xabar berdi.
So‘nggi tavsiyalarga ko‘ra Dubay aeroporti aviakompaniyalarga Birlashgan Arab Amirliklari hududidagi qaytishga chiptasi yo‘q sayyohlarni olib ketishni so‘rab murojaat qilgan.
“Dubayga ortga qaytish chiptasisiz kelgan mehmon yoki turistik vizaga ega yo‘lovchilarning hududga kirishi taqiqlanadi. Yo‘lovchining qaytish chiptasi xarajatlari aviakompaniyalar tomonidan qoplanadi”, – deyiladi xabarda.
Xabar qilinishicha, yangi qoida tufayli Dubay aeroportida Hindiston, Nepal, Bangladesh, Pokiston va Afg‘oniston davlatlaridan kelgan 300 nafarga yaqin yo‘lovchi qolib ketgan. Ularning 200 nafari Hindistondan kelganlar. Keyinchalik Hindiston va Pokistonning diplomatik vakolatxonasi yo‘lovchilarning sog‘-omon vatanlariga qaytganini ma’lum qildi. Shuningdek, qolgan davlatlarning konsulliklari ham Dubayda qolib ketgan fuqarolarining uyga qaytgani haqida xabar berdi.
Mavzuga doir: BAA O‘zbekistonga koronavirusga qarshi kurashish uchun yetti tonnalik insonparvarlik yordami jo‘natdi
Izoh (0)