Ўзбекистон терма жамоаси 12 октябрь, душанба куни Дубай шаҳрида БАА терма жамоасига қарши ўртоқлик учрашувида иштирок этди.
Биринчи бўлим тенг курашлар остида ўтди. Тўп билан ишлашда Вадим Абрамов жамоаси яхшироқ ҳаракат қилган бўлса, хавфли вазиятлар яратишда амирликлар фаол бўлди.
Иккинчи бўлим дебютида Ўзбекистон терма жамоа ўйинчилари олдинга ўтиб олди: Игор Сергеев рақиб ҳимоясидаги хатодан кейин ҳисобни очди.
Ўйин якунланиши арафасида Сергеев Достон Ҳамдамовнинг узатмасидан кейин жарима майдони ташқарисидан аниқ зарба йўллаган ҳолда дублини нишонлади.
Ҳакам томонидан қўшиб берилган вақтда мезбонлар пенальти ишлаб олди. Уни Себастьян Талябуэ муваффақиятли ижро этди.
Шу тариқа баҳс Абрамов шогирдларининг ғалабаси билан якунланди.
Ўртоқлик учрашуви
12 октябрь, душанба
БАА — Ўзбекистон 1:2
Голлар: 0:1 – 48 Сергеев, 0:2 – 86 Сергеев, 1:2 – 90+1 Талябуэ.Ўзбекистон: Абдувоҳид Неъматов, Ислом Қобилов, Игор Голбан, Иброҳимҳалил Йўлдошев, Мурод Холмуҳаммедов (Фарруҳ Сайфиев, 73), Одил Ҳамробеков, Азиз Ғаниев, Отабек Шукуров (Акмал Мозговой, 90), Азизбек Турғунбоев (Достонбек Ҳамдамов, 53), Ҳожимат Эркинов (Жалолиддин Машарипов, 61), Игор Сергеев (Шаҳзодбек Убайдуллаев, 87).
БАА: Холид Ийса, Фарис Жума (Исмоил Аҳмад, 75), Муҳаммад Марзуқ, Абдулазиз Ҳайкал, Юссуф Жобир (Салим Рашид, 58), Ҳамис Исмоил, Аҳмад Барман (Муҳаммад ат-Аттас, 58), Иброҳим Ҳалил (Холид Бавазир, 24), Халфан Муборак (Ғариб Абдуллоҳ, 67), Себастьян Талябуэ, Фабио де Лима (Ҳамдам, 81)
Огоҳлантириш: Холмуҳаммедов (31), Исмоил (80), Йўлдошев (90).
Янада кўпроқ футбол ва спорт янгиликларидан бохабар бўлишни истасангиз, «Дарё»нинг Telegram’даги расмий спорт канали — @Daryo_Sport24’га обуна бўлинг!
Изоҳ (0)