“Real”, “Portu” va Ispaniya terma jamoasining sobiq darvozaboni Iker Kasilyas yurak xastaligi tufayli faoliyatini tugatgani haqida gapirdi.
Qaror qabul qilish katta qiyinchilik tug‘dirmadi, chunki bu menga bog‘liq emasdi. Buni vaziyat belgilab berdi va boshqa chora ham yo‘q edi.Eslatib o‘tamiz, Kasilyas yuragidagi muammolar sabab 2020-yilning avgust oyida faoliyatni yakunlagani haqida e’lon qilgandi.Boshqa tomondan, yuragimdagi muammolardan oldin ham men bir-ikki yil davomida kelajagim haqida o‘ylayotgandim. Tabiiyki, har bir kun asta-sekin meni sportni tark etishga yaqinlashtirardi, ammo bu men xohlagan tarzda amalga oshmadi. Bu juda og‘ir edi.
Ammo agar o‘ylab ko‘rilsa, bu futbolchilik faoliyatiga yakun yasaydigan jiddiy jarohat emasdi. Hayotim uchun jiddiy xavf bor edi, biroq undan qocha oldim.
Muvaffaqiyatli karyera uchun minnatdor bo‘lishim kerak, chunki noxush lahzalarga qaraganda, ajoyib damlarim ko‘proq.
Iker Kasilyas, sobiq futbolchi
39 yoshli darvozabon “Real” akademiyasi tarbiyalanuvchisi hisoblanadi. U madridliklar klubida 510 ta o‘yin o‘tkazgan va 2015-yilda u yerni tark etgan.
Iker “Real” bilan besh marta Ispaniya chempionatida, ikki mamlakat Kubogi va to‘rt bor Ispaniya Superkubogida zafar quchgan. Kasilyas uch marta Chempionlar Ligasi g‘olibiga aylangan.
Ispaniya terma jamoasida 2010-yilda Jahon Chempionati oltin medallariga ega bo‘lgan va ikki bor (2008 va 2012-yillar) Yevropa chempionatida zafar quchgan.
Izoh (0)