Qozog‘istonning SCAT aviakompaniyasi Aqtau—Urganch—Aqtau yo‘nalishi bo‘yicha parvozlarni amalga oshirishga ruxsat oldi. Bu haqda O‘zbekiston Transport vazirligi xabar berdi.
Ma’lum qilinishicha, 2020-yil 1-avgustdan boshlab Urganch aeroportida joriy qilingan “Ochiq osmon” rejimi asosida “O‘zaviatsiya” agentligi SCAT aviakompaniyasiga 2020-yil 2-oktabrda Aqtau—Urganch—Aqtau yo‘nalishi bo‘yicha muntazam parvozlarni amalga oshirishga ruxsatnoma berdi.
Eslatib o‘tamiz, SCAT Qozog‘istonning yirik aviakompaniyalaridan biri bo‘lib, 2018-yilda kompaniya Boeing-737 MAX 8 modelidagi oltita samolyot buyurtma qilganligi ma’lum qilingandi.
Avvalroq BAAning Air Arabia aviakompaniyasi Abu-Dabi—Toshkent—Abu-Dabi yo‘nalishida muntazam parvozlarni amalga oshirish uchun ruxsatnoma olgani haqida xabar berilgandi.
Izoh (0)