Yengil vazn toifasida amaldagi UFC chempioni Habib Nurmagomedov Hamzat Chimayevning istiqboli haqidagi fikrlari bilan o‘rtoqlashdi.
Albatta, Chimayevda haqiqiy kuch bor, u barcha raqiblarini nokaut bilan yengmoqda. Menimcha, u bunga loyiq.Eslatib o‘tamiz, 26 yoshli Chimayev 32 yoshli Mershertni 17 soniya ichida nokautga uchratib, tezkor nokautlar borasida UFC tarixida (o‘rta vazn toifasidagi) uchinchi eng yaxshi natijani qayd etdi. Faqat Mark Veyr (10 soniya) va Terri Martin (14 soniya) raqiblarini undan tezroq nokautga uchratgan.Ali Abdulaziz (Habibning menejeri) menga Chimayevning navbatdagi to‘qnashuvi besh raundlik jang bo‘lishini aytdi. U dekabr oyida kuchli raqibga qarshi jang qiladi. Bu juda qiziq bo‘ladi.
Chimayev o‘ziga ijobiy e’tiborni jalb qilmoqda, unga yaxshi imkoniyat ochildi. Agar Chimayev ushbu jangda g‘alaba qozonsa, uning navbatdagi bellashuvi da’vogarlik jangi bo‘lishi kerak.
Habib Nurmagomedov, UFC jangchisi
Hamzat 16-iyul kuni UFC on ESPN 13 musobaqasida promoushendagi debyutini o‘tkazgan. Unda shvetsiyalik sportchi Jons Fillipsni og‘ritish usuli bilan taslim etdi. Shuningdek, UFC Fight Island 3 musobaqasida Hamzat Ris Makkini 3 daqiqa ichida nokautga uchratgandi.
Hamzat Chimayev ishtirokidagi janglarni bu yerda ko‘rish mumkin → havola.
Izoh (0)