“Real”da jarohatlar epidemiyasi davom etadi: Zinedin Zidan o‘ng qanot himoyachilarisiz qoldi

Madridning “Real” klubi jarohatlar qpurshovida qoldi.

Jamoaning ikki nafar o‘ng qanot himoyachisi Dani Karvaxal va Alvaro Odriosola jarohat sabab safdan chiqdi. Bu haqda madridliklar matbuot xizmati ma’lum qildi.

Karvaxalning jarohati jiddiyroq va u ikki maydonga tusha olmasligi mumkin. Unga o‘rinbosar sifatida qaralayotgan Odriosola ham mashg‘ulot vaqtida mushaklarini shikastlab olgan.

Shu tariqa Zinedin Zidan “El-Klasiko” va Chempionlar Ligasi uchrashuvlari oldidan o‘ng qanot himoyachisiz qoldi. Ushbu pozitsiyani yopish uchun “Real”da uchta variant bor: Eder Militao (markaziy himoyachi), Nacho (markaziy himoyachi) va Lukas Vaskes (hujumkor yarim himoyachi).

Eslatib o‘tamiz, “Real” mazkur chiziqda harakat qilishi mumkin bo‘lgan Ashraf Hakimini yozda “Inter”ga sotib yuborgandi.

Ma’lumot uchun, ayni damda “Real”ning bir qator futbolchilari jarohatini tiklamoqda: Eder Militao, Mariano Dias, Toni Kroos va Eden Azar.