Hindiston Giyohvand moddalarni nazorat qilish kengashi so‘nggi bir necha hafta ichida giyohvand moddalar savdosi bilan Bollivud yulduzlari o‘rtasidagi aloqani tekshirmoqda. Sushant Singx Rajputning do‘sti Reya Chakraboti, uning akasi Shouik, Samuel Miranda va Dipesha Savanta giyohvand moddalar xarid qilganlikda ayblanib, hibsga olingandan so‘ng agentlik tergovni kuchaytirgan. Reya so‘roq qilingandan so‘ng B-Town shahridan yana bir necha gumonlanuvchilar so‘roqqa chaqirildi. Ularning orasida Sara Alixon, Rakul Prit Singx va Simon Xambatt ham bor. Shuningdek, mashhurlardan Shraddxa Kapur va Dipika Padukone borligi ham ma’lum qilindi.
Ushbu holat menejer Jaya Saxani so‘roq qilish va giyohvand moddalarni sotib olish haqidagi taxminiy suhbatlar tiklanganidan so‘ng sodir bo‘ldi. Mashhur yulduzlarning barchasi Giyohvand moddalarni nazorat qilish tashkiloti tomonidan chaqirilgan va so‘roqdan keyin ham ularga erkinlik berilmagan.
Ma’lumotlarga ko‘ra, Dipika Padukone bilan ishlagan yana uch yulduz ham so‘roqqa chaqirilishi mumkin. Xabar qilinishicha, ularning ismlari “S”, “R” va “A” harfidan boshlanadi. Bollivud aktrisasi Dipika Padukone hamda uning menejeri Karishma Prakash giyohvand moddalari bilan bog‘liq suhbatlar qayta tiklanganidan so‘ng agentlik nazoratiga olingan.
Izoh (0)