Ҳиндистон Гиёҳванд моддаларни назорат қилиш кенгаши сўнгги бир неча ҳафта ичида гиёҳванд моддалар савдоси билан Болливуд юлдузлари ўртасидаги алоқани текширмоқда. Сушант Сингх Ражпутнинг дўсти Рея Чакработи, унинг акаси Шоуик, Самуэль Миранда ва Дипеша Саванта гиёҳванд моддалар харид қилганликда айбланиб, ҳибсга олингандан сўнг агентлик терговни кучайтирган. Рея сўроқ қилингандан сўнг B-Town шаҳридан яна бир неча гумонланувчилар сўроққа чақирилди. Уларнинг орасида Сара Алихон, Ракул Прит Сингх ва Симон Хамбатт ҳам бор. Шунингдек, машҳурлардан Шраддха Капур ва Дипика Падуконе борлиги ҳам маълум қилинди.
Ушбу ҳолат менежер Жая Сахани сўроқ қилиш ва гиёҳванд моддаларни сотиб олиш ҳақидаги тахминий суҳбатлар тикланганидан сўнг содир бўлди. Машҳур юлдузларнинг барчаси Гиёҳванд моддаларни назорат қилиш ташкилоти томонидан чақирилган ва сўроқдан кейин ҳам уларга эркинлик берилмаган.
Маълумотларга кўра, Дипика Падуконе билан ишлаган яна уч юлдуз ҳам сўроққа чақирилиши мумкин. Хабар қилинишича, уларнинг исмлари «С», «Р» ва «А» ҳарфидан бошланади. Болливуд актрисаси Дипика Падуконе ҳамда унинг менежери Каришма Пракаш гиёҳванд моддалари билан боғлиқ суҳбатлар қайта тикланганидан сўнг агентлик назоратига олинган.
Изоҳ (0)