Muxlislar o‘z kumirlariga bo‘lgan muhabbati tufayli aqlbovar qilmas xatti-harakatlarni amalga oshiradi. Ular yulduzlarning bema’ni narsalarini minglab dollarga sotib olishga ham tayyor.
Kim Kardashyan va uning oilasi tarixiy vatani – Armanistonga borishga qaror qildi. Kardashyanning turmush o‘rtog‘i Kenye Uest Yerevan markazidagi Oqqush ko‘li yaqinida bepul konsert dasturini namoyish etdi. Dastlab xonanda va muxlislarni suv sathi ajratib turdi, lekin qo‘shiqchining o‘zi muxlislar tomonga borish uchun masofani bosib o‘tishga va o‘zini suvga tashlashga qaror qildi. Shu zahoti ashaddiy muxlislar ham uni quchoqlashishga shoshib, uning ortidan o‘zlarini suvga otdi. Ajablanarlisi shundaki, bu vaziyatga qo‘riqchilar aralashmadi. Ammo muxlislar ehtiyotkorlik bilan qo‘shiqchini hech qanday jarohatlarsiz qo‘yib yubordi. Ayniqsa, tashabbuskor fuqarolar ham xonandaning sahovati evaziga pul ishladi. Ko‘l suvining boshlang‘ich narxi 10 dollarni tashkil etadi. Keyinchalik xonandaning konsertidagi havo muhrlangan sumka 60 ming dollarga sotildi.
“Janob Smit va Smit xonim” premyerasidan havo − 530 dollar
Havo hududini sotib olish va sotish yangilik emas. 2005-yil “Janob Smit va Smit xonim” filmining premyerasida tashabbuskor muxbir bosh rol ijrochilari − Bred Pitt va Anjelina Joliga murojaatida film haqida biror gap aytishni iltimos qildi. Keyinchalik ma’lum bo‘lishicha, jurnalistning qo‘lida mikrofon emas, balki Pitt va Joli tomonidan olingan nafasni qabul qiluvchi quti bo‘lgan. Ushbu g‘alati lot auksionga qo‘yildi va 530 dollarga sotildi.
2011-yil Britaniyaning internet-do‘konlaridan birida “to‘y” havosi bo‘lgan qutilar sotila boshladi. Sayt vakillari qutida Keyt Middlton va shahzoda Uilyamning to‘y marosimi paytida to‘plangan havo borligini ma’lum qildi. Savdogarlar ushbu quti uchun 30 dollar so‘radi.
Britni Spirsning saqichi – 14 000 ming dollar
Britni Spirsning muxlisi ham 2004-yilda qo‘shiqchining saqichiga konsert dasturida ega chiqdi, uni hazil tariqasida “eBay”ga qo‘yib, pul topishga muvaffaq bo‘ldi. Bir hafta ichida saqichga xaridor topildi va 14 000 dollar mablag‘ keltirdi. Shuningdek, 2006-yilda ofitsiant tomonidan olib ketilgan yulduzning oxirigacha iste’mol qilinmagan sendvichi 100 dollarga baholangan edi.
Jastin Timberleykning oxirigacha yeyilmagan noni – 3154 dollar
Jastin Timberleykning tishlangan noni 2000-yilda “N Sync” guruhi bilan bo‘lib o‘tgan shoudan keyin fransuz radio eshittiruvchisi tomonidan “eBay”ga qo‘yilgan edi. U topqirligi tufayli 3154 dollar pul ishlashga muvaffaq bo‘ldi va daromadni xayriya ishlari uchun sarfladi.
Ledy Gaganing akril tirnog‘i – 12 000 dollar
Yana bir uddaburon muxlis Ledi Gaganing 2012-yilda Dublinda bo‘lib o‘tgan konsertidan so‘ng topgan akril tirnog‘ini kimoshdi savdosiga qo‘ydi. Yulduzning shaxsiy dizayneri tomonidan yasalgan hamda oltin munchoqlar bilan bezatilgan chap qo‘lning kichkina barmog‘iga joylashadigan qora tirnoq uning ingliz muxlisi tomonidan 12 000 dollarga xarid qilindi.
Skarlett Yoxanssonning dastro‘moli – 5300 dollar
Skarlett Yoxansson 2008-yil tungi televizion shou dasturida shamollab qolganda foydalangan ro‘molchada lab bo‘yog‘ining izi qoldi. Keyinchalik ushbu shaxsiy buyum “eBay”da mavjudligi e’lon qilindi. Shuningdek, aktrisa tumovni “Qasoskor” filmidagi partnyori Semuel L.Jeksonga ham yuqtirganini ta’kidlagandan so‘ng dastro‘molning qiymati oshib ketdi. Oddiy qog‘ozdan tayyorlangan ro‘molcha 5300 dollarga sotildi va aktrisa bu pullarni xayriya ishlariga sarfladi.
Jastin Biberning sochlari – 40 668 dollar
Jastin Biber biznesni zavq bilan birlashtira oldi. U sochlarini kaltalatish bilan birga, muxlsilarini ham xursand qildi. Kesilgan sochni “The Gentle Barn” tashkilotiga topshirgan xonandaning sochi 40 ming dollarga baholandi. Jastinning imzosi tushirilgan soch solingan idishning tantanali topshirish marosimi 2011-yilda Ellen Dejeneres shousida bo‘lib o‘tdi.
Elvis Preslining bir stakan suvi – 455 dollar
“Rok-n-roll” qiroli Elvis Preslining stakani 30 yil davomida o‘z egasini kutdi. 1977-yilda Shimoliy Karolinada taniqli xonandaning konsert dasturiga tashrif buyurgan Ueyd Jons uning biroz suvi qolgan stakanini olib ketdi. U 2008-yilgacha suvni muzlatkichda asragan va keyinchalik kimoshdi savdosiga qo‘yishga qaror qilgan. Stakan 455 dollarga sotildi, uning aks etgan surati esa 3000 dollarga baholandi. Bundan avval xonanadaning boshqa buyumlari anchagina qimmatga sotilgan edi. Masalan, soch tutami 2002-yilda 18 300 dollar, 2012-yil kutubxona kartasi 7500 dollar, yulduzning tishlari uchun gipsdan yasalgan qolip 100 000 dollarga sotilgan.
Izoh (0)