Xitoyning Pekin shahrida dunyodagi eng yirik xalqaro Auto China 2020 avtosalon ko‘rgazmasi boshlandi. 2020-yil hisobiga ko‘ra mazkur taqdimot sanoat sohasidagi yagona ko‘rgazma bo‘lishi mumkin.
Pekindagi xalqaro avtosalon bu yil avtomobillar bozori uchun “umid ramzi”ga aylandi.
Aslida ko‘rgazma aprel oyida bo‘lib o‘tishi kerak edi, ammo koronavirus pandemiyasi tufayli kuzgacha qoldirildi.
Soha vakillarining ta’kidlashicha, ko‘rgazma bir necha oylik yo‘qotishlardan so‘ng bozorga qayta turtki berishi mumkin.
Auto China 2020 – “Kelajak uchun aqlli mashinalar” shiori ostida o‘tkazilmoqda.
Ko‘rgazmada butun dunyo bo‘ylab 785 ta avtomobil ishtirok etdi va ularning 80 dan ortig‘i birinchi marotaba keng omma e’tiboriga havola etildi.
Tashkilotchilar energiya manbayi bilan ishlaydigan yangi avtomobillarga alohida e’tibor qaratdi.
Ko‘rgazmaga olib kelingan 160 ta yonilg‘i bilan ishlaydigan alternativ mashinalarning 147 tasi Xitoyga tegishli.
Avvalgi yillarda bo‘lgani kabi avtomobil ishlab chiqaruvchilar Pekindagi 36 ta konsept-mashinalarni namoyish etib, kelajakdagi avtoulovlar haqidagi o‘z qarashlarini namoyish etdi.
Pekin avtosalonining xodimlari ko‘rgazma yonida dam olmoqda.
Taxminan 200 ming kvadrat metr maydonda taniqli va bozor ishtirokchilarining avtomobillari namoyish etildi.
BMW Pekindagi yangi oltinchi avlod – M3 sedan va M4 kupe, i4 konsept va iX3 elektromobilini namoyish etdi.
Ilgari faqat hukumat rasmiylari boshqargan Xitoyning Hongqi kompaniyasi hashamatli H9 sedan va E-HS9 elektromobilini olib keldi.
Xitoyning H9 sedani Mercedes Maybachning raqobatchisi hisoblanadi.
Yilning asosiy avtomobil yangiliklarini ko‘rish mumkin bo‘lgan ko‘rgazma 2020-yil 5-oktabrgacha davom etadi.
Izoh (0)