Madridning “Real” klubi yozgi transfer oynasida “Manchester Yunayted” yarim himoyachisi Pol Pogbani sotib olmaydi, deya xabar qilmoqda Marca.
Madridliklar klubi fransiyalik futbolchi uchun 150 million yevro to‘lashga tayyor emas. “Real” shuningdek, Donni van de Bek transferidan ham voz kechgandi. Niderlandiyalik futbolchi oqibatda “Manchester Yunayted”ga yo‘l oldi. “Real” va Zinedin Zidan jamoaning yosh yarim himoyachisi Federiko Valverdega ishonch bildirmoqchi.
Yozda “Real” yana Pol Pogba xizmatlariga qiziqish bildirayotgani haqida xabar yangragandi. Pogbaning ingliz klubi bilan amaldagi shartnomasi 2021-yilga qadar mo‘ljallangan. Unga ko‘ra, “Manchester Yunayted” kelishuvni yana bir yil muddatga uzaytirishi mumkin.
Pogba Angliya Premyer Ligasining 2019/20-yilgi mavsumida 16 ta o‘yin o‘tkazib, to‘rtta gol va bitta golli uzatma muallifiga aylandi.
Mavzuga doir:
Yanada ko‘proq futbol va sport yangiliklaridan boxabar bo‘lishni istasangiz, “Daryo”ning Telegram’dagi rasmiy sport kanali — @Daryo_Sport24’ga obuna bo‘ling!
Izoh (0)