Мадриднинг «Реал» клуби ёзги трансфер ойнасида «Манчестер Юнайтед» ярим ҳимоячиси Пол Погбани сотиб олмайди, дея хабар қилмоқда Marca.
Мадридликлар клуби франциялик футболчи учун 150 миллион евро тўлашга тайёр эмас. «Реал» шунингдек, Донни ван де Бек трансферидан ҳам воз кечганди. Нидерландиялик футболчи оқибатда «Манчестер Юнайтед»га йўл олди. «Реал» ва Зинедин Зидан жамоанинг ёш ярим ҳимоячиси Федерико Вальвердега ишонч билдирмоқчи.
Ёзда «Реал» яна Пол Погба хизматларига қизиқиш билдираётгани ҳақида хабар янграганди. Погбанинг инглиз клуби билан амалдаги шартномаси 2021 йилга қадар мўлжалланган. Унга кўра, «Манчестер Юнайтед» келишувни яна бир йил муддатга узайтириши мумкин.
Погба Англия Премьер Лигасининг 2019/20 йилги мавсумида 16 та ўйин ўтказиб, тўртта гол ва битта голли узатма муаллифига айланди.
Мавзуга доир:
Янада кўпроқ футбол ва спорт янгиликларидан бохабар бўлишни истасангиз, «Дарё»нинг Telegram’даги расмий спорт канали — @Daryo_Sport24’га обуна бўлинг!
Изоҳ (0)