Андижон давлат тиббиёт институтининг маънавий-маърифий ишлар бўйича проректори, тарих фанлари номзоди Паттохон Асханов 59 ёшида вафот этди. Бу ҳақда «Дарё»га Андижон давлат тиббиёт институти ахборот хизмати маълум қилди.
Маълумот берилишича, Паттохон Асханов 2020 йил 24 сентябрь куни оламдан ўтган.
У 1961 йил 25 ноябрда Олтинкўл туманида зиёлилар оиласида туғилган. 1983 йил Самарқанд давлат университетининг тарих факультетини тамомлаган. Иш фаолиятини Андижон қурилиш техникумида тарих фани ўқитувчилигидан бошлаган.
1984 йилдан айни кунга қадар Андижон давлат тиббиёт институтида фалсафа кафедраси ўқитувчиси, катта ўқитувчи, доцент, кафедра мудири лавозимларида ишлаган. 2018 йилдан буён институтнинг ёшлар билан ишлаш бўйича проректори вазифасида ишлаб келган.
Андижон давлат тиббиёт институти томонидан берилган хабарда олимнинг вафоти сабаби маълум қилинмаган.
Изоҳ (0)