Raqamli dekoratsiya yaratish bo‘yicha mutaxassis Mett Vorkman sakrayotgan pingvinlar ishtirokida barabanli konsert uyushtirdi, deb xabar beradi Meduza.
Vorkman shug‘ullanadigan The Virtual Production texnologiyasi Unreal Engine grafigi yordamida odamlarning real vaqtda virtual atrof-muhitga qo‘shilib ketishini ta’minlaydi. Bu kabi texnologiyadan masalan, “Mandoloriyalik” filmini suratga olishda foydalanilgan.
Vorkman raqamli dekoratsiyalardan tashqari baraban chalishni yaxshi ko‘radi. U hatto YouTube’da o‘z kanalini ochgan bo‘lib, u yerda o‘zining repititsiyalariga oid roliklarni joylab boradi. Faqat Vorkman odatdagi studiya o‘rnida ulkan yashil ekran fonidan foydalanadi.
Buning yordamida turli raqamli dekoratsiyalar chiziladi — aynan shu pingvinlar bilan bazm uyushtirishga yordam bergan. Biroq Vorkman pingvinlarni kadrda shunchaki qo‘shmasdan, ularni baraban jarangiga qo‘shilib sakrashga ham majbur qilgan.
Vorkmanning kanalida raqamli dekoratsiyalarga oid boshqa videolar ham mavjud. Xususan, portlashga oid tajriba:Bunda esa — baraban kosmik kemada jarang sochmoqda.
Izoh (0)