Рақамли декорация яратиш бўйича мутахассис Мэтт Воркман сакраётган пингвинлар иштирокида барабанли концерт уюштирди, деб хабар беради Meduza.
Воркман шуғулланадиган The Virtual Production технологияси Unreal Engine графиги ёрдамида одамларнинг реал вақтда виртуал атроф-муҳитга қўшилиб кетишини таъминлайди. Бу каби технологиядан масалан, «Мандолориялик» фильмини суратга олишда фойдаланилган.
Воркман рақамли декорациялардан ташқари барабан чалишни яхши кўради. У ҳатто YouTube’да ўз каналини очган бўлиб, у ерда ўзининг репитицияларига оид роликларни жойлаб боради. Фақат Воркман одатдаги студия ўрнида улкан яшил экран фонидан фойдаланади.
Бунинг ёрдамида турли рақамли декорациялар чизилади — айнан шу пингвинлар билан базм уюштиришга ёрдам берган. Бироқ Воркман пингвинларни кадрда шунчаки қўшмасдан, уларни барабан жарангига қўшилиб сакрашга ҳам мажбур қилган.
Воркманнинг каналида рақамли декорацияларга оид бошқа видеолар ҳам мавжуд. Хусусан, портлашга оид тажриба:Бунда эса — барабан космик кемада жаранг сочмоқда.
Изоҳ (0)