Rossiya hududida sodir etilgan jinoyatlari uchun qidiruvga berilgan ikki shaxs Farg‘ona viloyati hududida qo‘lga olindi. Bu haqda Farg‘ona viloyati IIB axborot xizmati ma’lum qildi.
Ma’lum qilinishicha, 17-sentabr kuni O‘zbekiston Ichki ishlar vazirligi O‘XB Farg‘ona viloyati bo‘limi xodimlari Rossiya Jinoyat kodeksining 327-moddasi 3-qismida (soxta hujjatlardan foydalanish) ko‘rsatilgan jinoyatni sodir etib, tergovdan yashiringanligi sababli Rossiyaning Kaluga viloyati ichki ishlar organlari tomonidan qidiruv e’lon qilingan N.M.ni Qo‘qon shahri hududida qo‘lga oldi.
Shuningdek, 21-sentabr kuni Rossiya Jinoyat kodeksining 322-moddasi 2-qismida (davlat chegaralarini noqonuniy kesib o‘tish) ko‘rsatilgan jinoyatni sodir etib, tergovdan yashiringanligi sababli Rossiyaning Chelyabinsk viloyati Federal xavfsizlik xizmati tomonidan qidiruv e’lon qilingan D.R. Farg‘ona shahrida qo‘lga olingan.
Farg‘ona viloyati IIB axborot xizmati xabarida qo‘lga olingan shaxslar qaysi davlat fuqarolari ekanligiga aniqlik kiritilmagan.
Mavzuga doir:
- O‘zbekiston konstitutsiyaviy tuzumiga tajovuz qilishda ayblangan qidiruvdagi shaxs qo‘lga olindi
- Ikki kishini 2013-yilda Qozog‘istonda qurilishda ishlashga majbur qilgan qidiruvdagi surxondaryolik erkak qo‘lga olindi
- Nomusga tegganlik uchun Surxondaryoda qidiruvga berilgan shaxs Toshkentda qo‘lga olindi
- O‘g‘rilik sodir etgani uchun qidiruvda bo‘lgan ikki kishi Toshkentda qo‘lga olindi
Izoh (0)