Nomusga tegganlik uchun Surxondaryoda qidiruvga berilgan shaxs Toshkentda qo‘lga olindi

Nomusga tegganlik jinoyati uchun Surxondaryo viloyati Termiz shahar Ichki ishlar bo‘limi tomonidan qidiruvga berilgan fuqaro Toshkent shahar Mirobod tumanida qo‘lga olindi. Bu haqda Surxondaryo viloyati IIB axborot xizmati xabar berdi.

Ma’lum qilinishicha, Termiz shahrida 2020-yilning aprel oyida Jinoyat kodeksining 118-moddasi 1-qismida (Nomusga tegish) ko‘rsatilgan jinoyatni sodir etib, jinoiy javobgarlikdan qochib yurgan, Angor tumanida yashovchi O.U. Termiz shahar IIB tomonidan qidiruvga berilgan.

Shuningdek, ehtiyot chorasi sifatida mazkur shaxsga nisbatan qamoqqa olish qo‘llanilgan. 12-iyul kuni Surxondaryo viloyati IIB hamda Termiz shahar IIB xodimlari tomonidan mazkur fuqaro Toshkent shahar Mirobod tumanida yurganligi aniqlanib, qo‘lga olingan.