Buyuk Britaniyaning The Telegraph nashri Premyer Liga 2020/21-yilgi mavsumi muxlislarsiz o‘tgan taqdirda jamoalar qancha miqdordagi daromaddan quruq qolishini hisoblab chiqdi.
Unga ko‘ra, “Manchester Yunayted” o‘yinlar bo‘sh stadionlarda o‘tishda davom etsa barchadan ko‘p pul yo‘qotadi — 150 million yevro. Shuningdek, “Arsenal” ham bundan jiddiy zarar ko‘radi, londonliklar 133 million yevrodan quruq qolishi mumkin. Bu “kanonirlar” uchun juda katta yo‘qotish bo‘ladi, sababi chiptalar savdosidan tushadigan pul klub daromadining chorak qismini tashkil qiladi.
Avvaliga 1-oktabrdan Angliya stadionlarida tomoshabinlar tashrifiga ruxsat berilishi rejalashtirilgandi. Biroq Buyuk Britaniya bosh vaziri Boris Jonson koronavirusning ikkinchi to‘lqini sabab mazkur qarorni bekor qildi.
Ma’lumot uchun, Fransiya va Germaniya chempionlarida stadionlarga cheklangan miqdorda tomoshabinlar kiritilmoqda.
Mavzuga doir:
- “Nyukasl” klubi APLni sudga beradi
- Bundesliga o‘yinlariga tomoshabinlar kiritilishiga ruxsat beriladi
- Dunyoning eng qimmat futbol ligalari reytingi e’lon qilindi
Yanada ko‘proq futbol va sport yangiliklaridan boxabar bo‘lishni istasangiz, “Daryo”ning Telegram’dagi rasmiy sport kanali — @Daryo_Sport24’ga obuna bo‘ling!
Izoh (0)