Буюк Британиянинг The Telegraph нашри Премьер Лига 2020/21 йилги мавсуми мухлисларсиз ўтган тақдирда жамоалар қанча миқдордаги даромаддан қуруқ қолишини ҳисоблаб чиқди.
Унга кўра, «Манчестер Юнайтед» ўйинлар бўш стадионларда ўтишда давом этса барчадан кўп пул йўқотади — 150 миллион евро. Шунингдек, «Арсенал» ҳам бундан жиддий зарар кўради, лондонликлар 133 миллион евродан қуруқ қолиши мумкин. Бу «канонирлар» учун жуда катта йўқотиш бўлади, сабаби чипталар савдосидан тушадиган пул клуб даромадининг чорак қисмини ташкил қилади.
Аввалига 1 октябрдан Англия стадионларида томошабинлар ташрифига рухсат берилиши режалаштирилганди. Бироқ Буюк Британия бош вазири Борис Жонсон коронавируснинг иккинчи тўлқини сабаб мазкур қарорни бекор қилди.
Маълумот учун, Франция ва Германия чемпионларида стадионларга чекланган миқдорда томошабинлар киритилмоқда.
Мавзуга доир:
- «Ньюкасл» клуби АПЛни судга беради
- Бундеслига ўйинларига томошабинлар киритилишига рухсат берилади
- Дунёнинг энг қиммат футбол лигалари рейтинги эълон қилинди
Янада кўпроқ футбол ва спорт янгиликларидан бохабар бўлишни истасангиз, «Дарё»нинг Telegram’даги расмий спорт канали — @Daryo_Sport24’га обуна бўлинг!
Изоҳ (0)