Britaniyalik og‘ir vazn toifasidagi bokschi Derek Chisora sobiq Jahon chempioni Aleksandr Usik bilan jangi 31-oktabr kuni bo‘lib o‘tishini e’lon qildi. U bu haqda o‘zining ijtimoiy tarmoqlardagi sahifalari orqali ma’lum qildi.
“Urush yaqinlashmoqda”, — deb yozadi Chisora tarmoqqa joylashtirgan suratiga izoh tariqasida.
Eslatib o‘tamiz, 2018-yilning iyul oyida Usik Murat Gassiyevni ochkolar evaziga mag‘lub etib, og‘ir vaznga o‘tishini e’lon qilgandi. U o‘zi uchun yangi bo‘lgan divizionda ham debyutini o‘tkazishga ulgurgan, Usik o‘shanda (2019-yilning oktabr oyida) Chazz Uizerspunni mag‘lub etgandi.
Ma’lumot uchun, 33 yoshli Usik faoliyati davomida 17 ta jang o‘tkazib, ularning barchasida g‘alabaga erishgan (13 tasi nokaut bilan). 36 yoshli Chisoraning hisobida esa 32 g‘alaba (23 tasi nokaut bilan) va 9 mag‘lubiyat bor.
Izoh (0)