“Bavariya” yarim himoyachisi Tiago Alkantara yaqin orada “Liverpul” futbolchisiga aylanadi.
The Athletic’ning xabar qilishicha, ingliz klubi Alkantara transferi uchun “Bavariya” talab qilayotgan 30 million yevroni to‘lashga rozi bo‘lgan.
“Bavariya” transfer kelishuvini Bundesliga 2020/21-yilgi mavsumi boshlanadigan sanaga (18-sentabr) qadar yakunlashini ma’lum qilgach, tomonlar faol muzokaralarga kirishgan.
“Liverpul” hozircha ispaniyalik futbolchi bilan shaxsiy shartnoma borasida kelishuvga erishmagan. Biroq mazkur masala muammo bo‘lmasligi aytilmoqda.
Tiago 2019/20-yilgi mavsumda Bundesliga 2019/20-yilgi mavsumida 24 o‘yin o‘tkazib, uchta golga mualliflik qildi.
Yanada ko‘proq futbol va sport yangiliklaridan boxabar bo‘lishni istasangiz, “Daryo”ning Telegram’dagi rasmiy sport kanali — @Daryo_Sport24’ga obuna bo‘ling!
Izoh (0)