Iordaniyaning Az-Zarqa shahri yaqinidagi bazada sodir bo‘lgan portlash oqibatida ikki kishi halok bo‘ldi, uch kishi jarohat oldi, deb xabar beradi Sky News Arabia.
Telekanal ma’lumotlariga ko‘ra, portlash jangovar o‘q-dorilar omborida sodir bo‘lgan, buning natijasida yong‘in kelib chiqqan. Harbiylar hududni o‘rab olgan. Portlashga yuqori harorat sabab bo‘lgan bo‘lishi mumkin. Holat yuzasidan tergov ishlari boshlangan.
الصور الأولى للانفجار الضخم في مدينة #الزرقاء في #الأردن | #شاهد_سكاي pic.twitter.com/TWZvGO06Cd
— سكاي نيوز عربية (@skynewsarabia) September 10, 2020
Eslatib o‘tamiz, 4-avgust kuni Bayrut portida kuchli portlash yuz bergan. Oqibatda yuzlab uylar vayron bo‘lgan, ba’zilari butunlay qulab tushgan. Portlash oqibatida 190 kishi vafot etgan. Olti mingdan ortiq kishi esa yaralangan. 10-sentabr kuni Livan poytaxti hududida kuchli yong‘in sodir bo‘lgan. Yong‘in oqibatida kelib chiqqan quyuq qora tutunni 3 kilometrdan ko‘rish mumkin bo‘lgani aytilmoqda.
Izoh (0)