Иорданиянинг Аз-Зарқа шаҳри яқинидаги базада содир бўлган портлаш оқибатида икки киши ҳалок бўлди, уч киши жароҳат олди, деб хабар беради Sky News Arabia.
Телеканал маълумотларига кўра, портлаш жанговар ўқ-дорилар омборида содир бўлган, бунинг натижасида ёнғин келиб чиққан. Ҳарбийлар ҳудудни ўраб олган. Портлашга юқори ҳарорат сабаб бўлган бўлиши мумкин. Ҳолат юзасидан тергов ишлари бошланган.
الصور الأولى للانفجار الضخم في مدينة #الزرقاء في #الأردن | #شاهد_سكاي pic.twitter.com/TWZvGO06Cd
— سكاي نيوز عربية (@skynewsarabia) September 10, 2020
Эслатиб ўтамиз, 4 август куни Байрут портида кучли портлаш юз берган. Оқибатда юзлаб уйлар вайрон бўлган, баъзилари бутунлай қулаб тушган. Портлаш оқибатида 190 киши вафот этган. Олти мингдан ортиқ киши эса яраланган. 10 сентябрь куни Ливан пойтахти ҳудудида кучли ёнғин содир бўлган. Ёнғин оқибатида келиб чиққан қуюқ қора тутунни 3 километрдан кўриш мумкин бўлгани айтилмоқда.
Изоҳ (0)