12-sentabr kuni Moskvada sobiq Ittifoq davriga tegishli mashinalar rallisi boshlanadi. “GUM-Avtoralli” bellashuvi yettinchi marotaba o‘tkazilmoqda, biroq 2020-yilda ishtirokchilar qatoriga “AvtoVAZ” ham kelib qo‘shiladi, deb xabar beradi Motor.
“GUM-Avtoralli” 1991-yilga qadar ishlab chiqarilgan avtomobillar ishtirok etadigan mamlakatdagi eng keng ko‘lamli musobaqa hisoblanadi. 2020-yilda poyga Lada modellarining 50 yillik yubileyiga bag‘ishlanadi: bundan yarim asr oldin — 1970-yilda Voljsk avtomobil zavodidan oltita “VAZ-2101” sedani ishlab chiqarilgan — ikkita ko‘k va to‘rtta olcha rang.
Moskva ko‘chalarida 100 ta klassik “Jiguli” harakatlanadi: 1970-yillardagi “VAZ-2101”, “2102”, “2103” va “2106”. Tadbir tashkilotchilarining so‘zlariga ko‘ra, barcha avtomobillar ekspertlar tomonidan qattiq tekshiruvdan o‘tkazilgan, orginal ehtiyot qismlarini saqlab qolgan va yaxshi texnik holatda. 1 raqami ostida “AvtoVAZ” prezidentining ekipaji startga chiqadi.
“GUM-Avtoralli” peshinda Kremldagi Spasskiy minorasidagi kurantlar bong urganida boshlanadi. Qariyb uch soat davom etadigan marshrut davomida avtomobillar Moskvaning eng gavjum ko‘chalari bo‘ylab harakatlanadi.
Eslatib o‘tamiz 2019-yilning oktabrida Toshkentda O‘zbekistonda motomavsumning yopilishiga bag‘ishlangan tadbir doirasida retro avtomobillar namoyishi ham bo‘lib o‘tgandi — unda asosan Ikkinchi Jahon urushidan keyingi yillarda ommaviy ishlab chiqarilgan avto namunalarini qatnashgan.
Izoh (0)