12 сентябрь куни Москвада собиқ Иттифоқ даврига тегишли машиналар раллиси бошланади. «ГУМ-Авторалли» беллашуви еттинчи маротаба ўтказилмоқда, бироқ 2020 йилда иштирокчилар қаторига «АвтоВАЗ» ҳам келиб қўшилади, деб хабар беради Motor.
«ГУМ-Авторалли» 1991 йилга қадар ишлаб чиқарилган автомобиллар иштирок этадиган мамлакатдаги энг кенг кўламли мусобақа ҳисобланади. 2020 йилда пойга Lada моделларининг 50 йиллик юбилейига бағишланади: бундан ярим аср олдин — 1970 йилда Волжск автомобиль заводидан олтита «ВАЗ-2101» седани ишлаб чиқарилган — иккита кўк ва тўртта олча ранг.
Москва кўчаларида 100 та классик «Жигули» ҳаракатланади: 1970 йиллардаги «ВАЗ-2101», «2102», «2103» ва «2106». Тадбир ташкилотчиларининг сўзларига кўра, барча автомобиллар экспертлар томонидан қаттиқ текширувдан ўтказилган, оргинал эҳтиёт қисмларини сақлаб қолган ва яхши техник ҳолатда. 1 рақами остида «АвтоВАЗ» президентининг экипажи стартга чиқади.
«ГУМ-Авторалли» пешинда Кремлдаги Спасский минорасидаги курантлар бонг урганида бошланади. Қарийб уч соат давом этадиган маршрут давомида автомобиллар Москванинг энг гавжум кўчалари бўйлаб ҳаракатланади.
Эслатиб ўтамиз 2019 йилнинг октябрида Тошкентда Ўзбекистонда мотомавсумнинг ёпилишига бағишланган тадбир доирасида ретро автомобиллар намойиши ҳам бўлиб ўтганди — унда асосан Иккинчи Жаҳон урушидан кейинги йилларда оммавий ишлаб чиқарилган авто намуналарини қатнашган.
Изоҳ (0)