“Barselona” yozgi transfer oynasi vaqtida hujumchi Luis Suares va yarim himoyachi Arturo Vidalni sotib yuborish niyatida.
Ivan Rakitichning “Sevilya”ga o‘tishi aniq bo‘lgach, katalon klubi uchun Suares va Vidalning transferi asosiy maqsadga aylandi, deya xabar qilmoqda Mundo Deportivo jurnalisti Fransesk Agilar.
“Barselona” Suaresni “Yuventus”ga, Vidalni esa “Inter”ga sotish istagida.
Shuningdek, “ko‘k-anorranglilar” markaziy himoyachi Samyuel Umtitini ham transferga qo‘ygan, biroq hech qaysi klub futbolchining yuqori maoshi sabab unga qiziqish bildirmayapti.
Urugvaylik forvard La Liga 2019/20-yilgi mavsumida 28 o‘yin o‘tkazib, 16 gol va 8 ta golli uzatmaga mualliflik qildi. Vidal hisobida esa 33 o‘yinda 8 ta gol va ikkita assist bor.
Mavzuga doir: “Barselona” shartnoma muddatidan avval bekor qilinsa, Luis Suaresga qancha tovon puli to‘lashi ma’lum bo‘ldi
Yanada ko‘proq futbol va sport yangiliklaridan boxabar bo‘lishni istasangiz, “Daryo”ning Telegram’dagi rasmiy sport kanali — @Daryo_Sport24’ga obuna bo‘ling!
Izoh (0)