“Real Sosyedad” yarim himoyachisi David Silvada koronavirus aniqlandi. Bu haqda ispan klubi matbuot xizmatida xabar berildi.
Xabarga ko‘ra, 34 yoshli ispaniyalik futbolchi o‘zini-o‘zi yakkalash holatiga olingan va unda kasallik simptomlarsiz o‘tmoqda.
Eslatib o‘tamiz, Silva ushbu yozda “Manchester Siti” bilan shartnomasi o‘z nihoyasiga yetgach, erkin agent sifatida “Real Sosyedad” safiga qo‘shilgandi.
Ma’lumot uchun, 34 yoshli futbolchi 2010—2020-yillarda “Manchester Siti” safida to‘p tegan. Silva bu davr ichida 436 ta o‘yinda ishtirok etib, 77 gol va 140 ta golli uzatma muallifiga aylandi. David “Siti” bilan to‘rt bor Premyer Ligada g‘olib chiqdi. Shuningdek, besh marta Angliya Liga Kubogi va ikki marta Angliya Kubogiga ega chiqdi.
Izoh (0)