Futbol bo‘yicha Rossiya Premyer Ligasining 5-turidan o‘rin olgan uchrashuvlar 26-avgust, chorshanba kuni yakunlandi.
“Rostov” o‘z maydonida “Ural”ni qabul qildi. Uchrashuv maydon egalarining to‘liq ustunligida o‘tdi, biroq vaziyatlardan foydalanishda rostovliklar sermahsullik ko‘rsata olmadi. Uchrashuvning 59-daqiqasida yaponiyalik legioner Kento Hashimoto tomonidan urilgan gol “Rostov”ga g‘alaba olib keldi.
Mazkur bahsda Eldor Shomurodov asosiy tarkibda maydonga tushdi va 71-daqiqada zaxiraga olindi. “Rostov” ochkolarini 9 taga yetkazib olgan holda 6-o‘ringa ko‘tarildi.
Shuningdek, musobaqaning amaldagi chempioni “Zenit” Moskvada “Dinamo”ga qarshi bahs olib bordi. 40-daqiqada Toni Shunich tomonidan urilgan gol mezbonlarga g‘alaba olib keldi. Shu tariqa piterliklar 2020/21-yilgi mavsumdagi ilk mag‘lubiyatni qabul qilib oldi.
RPL
5-tur bahslari
26-avgust, chorshanba
“Rostov” — “Ural” 1:0
Gol: 1:0 – 59 Hashimoto.“Rostov”: Pesyakov, Osipenko, Chernov, Kozlov, Hajikadunich, Glebov, Ionov, Bayramyan (Smirnov, 71), Normann (Hashimoto, 48), Yeremenko (Logashov, 80), Shomurodov (Poloz, 71).
“Ural”: Pomazun, Gerasimov, Rikov, Kulakov, Kalinin (Zolotov, 24), Augustinyak (Yemelyanov, 63), Bavin (Yevseyev, 63), Mishkich, Yegorichev (Shabolin, 84), Bikfalvi, Podberezkin.
Ogohlantirishlar: Kulakov (52), Rikov (90).
“Krasnodar” — SSKA 1:1
Gollar: 0:1 – 28 Kuchayev, 1:1 – 80 Vanderson.“Dinamo” — “Zenit” 1:0
Gol: 1:0 – 40 Shunich.Yanada ko‘proq futbol va sport yangiliklaridan boxabar bo‘lishni istasangiz, “Daryo”ning Telegram’dagi rasmiy sport kanali — @Daryo_Sport24’ga obuna bo‘ling!
Izoh (0)