Maykl Pens saylovlarda Respublikachilar partiyasidan AQSh vitse-prezidentligiga nomzod sifatida ishtirok etishga rasman rozi bo‘ldi, deb xabar bermoqda “TASS”.
“Prezident Donald Trampning menga ko‘rsatgan ishonchi uchun minnatdorchilik bildirgan holda, Respublikachilar partiyamiz ko‘magi va xudoning marhamati bilan AQSh vitse-prezidentiligini egallash va shu lavozimda xizmat qilish uchun nomzodlikni mamnuniyat bilan qabul qilaman”, — degan u Respublikachilar partiyasining 26-avgust kuni bo‘lib o‘tgan syezdida.
Respublikachilar partiyasi 24-avgust kuni prezidentlik va vitse-prezidentlikka nomzod sifatida Donald Tramp va Maykl Pensni ko‘rsatgan. Demokratlar partiyasi esa AQSh prezidenti sifatida Jo Bayden, vitse-prezident sifatida Kaliforniya senatori Kamala Xarris nomzodini ilgari surgan.
Eslatib o‘tamiz AQSh prezidentlik saylovlari 3-noyabr kuni bo‘lib o‘tadi.
Mavzuga doir:
- Trampning shaxsiy dushmani: Kamala Xarris kim va nima uchun hamma u haqda gapirmoqda?
- Donald Tramp saylovdagi asosiy raqibi Jo Bayden emas, balki OAV bo‘lishini aytdi
- Tramp AQSh prezidentligi saylovlarida mag‘lubiyatga uchrashi mumkinligi sababini ma’lum qildi
- Tramp AQSh prezidentligi saylovlarida yutqazsa nima bilan shug‘ullanishini aytdi
- Jo Bayden Trampga harbiy to‘ntarish bilan tahdid qildi
Izoh (0)