NASA’ning Oyni tadqiq etish borasidagi Artemis (“Artemida”) dasturi doirasida bir necha yildan so‘ng ayol-astronavt Yerning tabiiy yo‘ldoshi yuzasiga qo‘nishi mumkin. Bu haqda AQSh Kosmik agentligi direktori Jim Braydenstaynga tayanib, “Korrespondent.net” xabar berdi.
“2024-yilda Oyga astronavt (ayol va erkak)larni qo‘ndirish ushbu maqsadga erishish yo‘lida barcha amerikaliklarni ilhomlantira olishimizga bog‘liq”, — deydi NASA rahbari.
Shu bilan birga, Braydenstayn yuqorida nomi tilga olingan dasturning to‘q qizil-oltin rangli emblemasini taqdim etib, bu ayollar huquqlari harakatining ranglari ekanligini eslatib o‘tgan.
“Oydagi tadqiqot dasturimiz ayollarning kosmos tadqiqotiga qo‘shadigan hissasiga asoslangan. Biz NASA’ning kosmosga uchgan ayol-xodimalariga, shuningdek, kelajakdagi tadqiqotchilarga minnatdorchilik bildiramiz”, — deydi Kosmik agentlik direktori.
Avvalroq NASA va Yaponiya AQShning Oyni zabt etish borasidagi “Artemida” dasturi bo‘yicha hamkorlikda ishlash to‘g‘risidagi kelishuvni imzolagani to‘g‘risida xabar berilgandi.
Izoh (0)