Samsung kompaniyasi 2020-yilning 5-avgust kuni Galaxy Unpacked onlayn taqdimotida Galaxy Note 20 hamda Galaxy Note 20 Ultra smartfonlarini namoyish etdi. An’anaga ko‘ra, Samsung kompaniyasining yozgi taqdimoti doimo Nyu-Yorkda bo‘lib o‘tardi. Ammo bu yil koronavirus pandemiyasi butun dunyo rejalarini o‘zgartirib yubordi.
Ekran o‘lchami:
- Galaxy Note 20 – FullHD+ni qo‘llab-quvvatlovchi 6,7 dyuymli Super AMOLED;
- Galaxy Note 20 Ultra – WQHD+ qo‘llab-quvvatlovchi 6,9 dyuymli Dynamic AMOLED 2X.
Ikkala smartfon ham bitta kristalli Exynos 990’dan tashkil topgan bo‘lib, kichkina model 8/256 Gb xotira bilan ishlaydi. Katta model esa 8/12 Gb va 256/512 Gb flesh-xotira bilan ta’minlangan. Note 20 Ultra’da esa 1 Tbgacha bo‘lgan MicroSD o‘rni mavjud. Smartfonlarda ultratovushli barmoq izi skaneri mavjud bo‘lib, chang va namlikdan himoyalovchi IP68 ham bor.
Galaxy Note 20 Ultra’da uchta asosiy kamera bor: ultrakeng, keng va telerasm.
Note 20 Ultra’ning orqa tomoni shishadan, Note 20’da esa polikarbonat.
Yangi smartfonlar uchun S qalam sensori yaratilgan. Uning murojaatga javobi to‘qqiz millisekundni tashkil etadi. Sensorga tegish va ekranda chiziq paydo bo‘lishi o‘rtasidagi vaqtni kamaytirish uchun foydalanuvchining keyingi harakatini taxmin qiluvchi sun’iy aql ishlatiladi.
Foydalanuvchilar uchun 5 ta qulay ishoralar mavjud: orqaga, uyga, so‘nggi dasturlar, aqlli tanlov va ekran yozuvi. Shuningdek, qo‘lda yozilgan eslatmalarni PowerPoint slaydlariga yoki Word hujjatiga ham o‘tkazish mumkin.
Eng qimmat narx 5G ga ega Note 20 Ultra – 1520 dollarga baholandi, unga qo‘shimcha qilib quloqchin ham sovg‘a qilinadi. Navbatdagi Note 20 Ultra 4G versiyasi 1303 dollarni tashkil etdi. Eng maqbul variant Note 20 bo‘lib, unga 1049 dollar narx belgilandi. Sovg‘aga esa avvalgi modelning quloqchini qo‘shib beriladi.
Izoh (0)