“Manchester Yunayted” sobiq hujumchisi Ueyn Runi “Manchester Siti” yarim himoyachisi Kevin de Bryuynening o‘yini haqida fikr bildirdi.
“Hech shubha yo‘qki, de Bryuyne “Manchester Siti”ning asosiy quroli. U hozirda dunyoning eng kuchli uch o‘yinchisidan biri hisoblanadi.
De Bryuyne menga Stiven Jerrardni eslatadi. Uning harakatlari va ajoyib gollari Stivnikiga o‘xshaydi. Uning menga eng yoqadigan jihati, doimo murakkab variantlarni tanlaydi, oson o‘ynashga harakat qilmaydi.
U to‘pga ega bo‘lganida, boshqa o‘yinchilar birdaniga ochiq zonalarga yugurishni boshlaydi. Bu yarim himoyachi uchun eng katta yutuq. Rayan Giggz bilan o‘ynaganimizda, biz ham shunday qilardik. U raqiblar uchun kutilmagan paslar beradi”, — deydi Runi.
Ma’lumot uchun, de Bryuyne 2015-yildan beri “Manchester Siti” safida to‘p surib keladi. U Premyer Liganing 2019/20-yilgi mavsumida 35 ta o‘yinda maydonga tushib, 13 ta gol va 21 ta golli uzatmaga mualliflik qildi.
Kevin de Bryuynening “Manchester Siti” safida APLda urgan barcha gollarini tomosha qiling (video)
Mavzuga doir:
Izoh (0)