O‘zbekistonda 2020-yil 2-avgust soat 23:30 holatiga ko‘ra yana 217 kishida koronavirus infeksiyasi aniqlandi va kasallanganlarning umumiy soni 25 553 nafarga yetdi. Bu haqda Sog‘liqni saqlash vazirligi xabar qilgan.
Yangi kasallanish holatlarining
- 48 tasi karantin markazidagi fuqarolar (barchasi xorijdan kelgan) orasida;
- 142 tasi Toshkent viloyatida;
- 27 tasi Buxoro viloyatida koronavirusga chalingan bemorlar bilan muloqotda bo‘lganligi sababli namuna olingan fuqarolar orasida aniqlangan.
Shuningdek, 2-avgustda, kun davomida jami 1 208 nafar bemor koronavirus infeksiyasidan tuzalib, kunlik rekord natija qayd etilgan. O‘zbekistonda COVID-19 koronavirus infeksiyasidan tuzalganlar soni 16 507 nafarni (64 foiz) tashkil qilmoqda. 8 893 nafar bemorga shifokorlar tomonidan belgilangan standartlar bo‘yicha davo choralari ko‘rilmoqda, deyiladi SSV axborot xizmatining xabarida.
O‘zbekistonda 31-iyul soat 23:30 dan 1-avgust soat 23:30 ga qadar 774 kishida koronavirus qayd etildi va antirekord yangilangandi.
Izoh (0)