Chempionlar Ligasi 1/8 finalidan o‘rin olgan “Barselona” — “Napoli” o‘rtasidagi uchrashuv Kataloniyada epidemiologik vaziyatning yomonligiga qaramay “Kamp Nou” stadionida bo‘lib o‘tadi.
Marca’ga ko‘ra, ayni paytda neytral maydonda o‘ynash varianti ko‘rib chiqilmayapti. Boisi Kataloniya hukumati uchrashuvni xavf-xatarsiz o‘tkazish mumkinligini ta’kidlagan.
“Biz vaziyatni kuzatmoqdamiz va mahalliy hokimiyat organlari bilan aloqada bo‘lib turibmiz. O‘yin rejalashtirilganidek, Barselonada bo‘lib o‘tishi kerak”, — deyiladi UEFA bayonotida.
Avvalroq Ispaniyada, xususan Kataloniyada koronavirus infeksiyasi tarqalishi avj olgani tufayli mazkur bellashuv neytral maydonga ko‘chirilishi mumkinligi haqida xabar berilgandi.
Eslatib o‘tamiz, “Barselona” — “Napoli” uchrashuvi 8-avgust sanasiga belgilangan. Tomonlarning Neapolda bo‘lib o‘tgan dastlabki uchrashuvi 1:1 hisobidagi durang bilan yakunlangan.
Ronaldinyoning “Barselona” safidagi shedevr 5 ta goli yodingizdami? Ularni tomosha qiling (video)
Mavzuga doir:
Yanada ko‘proq futbol va sport yangiliklaridan boxabar bo‘lishni istasangiz, “Daryo”ning Telegram’dagi rasmiy sport kanali — @Daryo_Sport24’ga obuna bo‘ling!
Izoh (0)