Чемпионлар Лигаси 1/8 финалидан ўрин олган «Барселона» — «Наполи» ўртасидаги учрашув Каталонияда эпидемиологик вазиятнинг ёмонлигига қарамай «Камп Ноу» стадионида бўлиб ўтади.
Marca’га кўра, айни пайтда нейтрал майдонда ўйнаш варианти кўриб чиқилмаяпти. Боиси Каталония ҳукумати учрашувни хавф-хатарсиз ўтказиш мумкинлигини таъкидлаган.
«Биз вазиятни кузатмоқдамиз ва маҳаллий ҳокимият органлари билан алоқада бўлиб турибмиз. Ўйин режалаштирилганидек, Барселонада бўлиб ўтиши керак», — дейилади УЕФА баёнотида.
Аввалроқ Испанияда, хусусан Каталонияда коронавирус инфекцияси тарқалиши авж олгани туфайли мазкур беллашув нейтрал майдонга кўчирилиши мумкинлиги ҳақида хабар берилганди.
Эслатиб ўтамиз, «Барселона» — «Наполи» учрашуви 8 август санасига белгиланган. Томонларнинг Неаполда бўлиб ўтган дастлабки учрашуви 1:1 ҳисобидаги дуранг билан якунланган.
Роналдиньонинг «Барселона» сафидаги шедевр 5 та голи ёдингиздами? Уларни томоша қилинг (видео)
Мавзуга доир:
Янада кўпроқ футбол ва спорт янгиликларидан бохабар бўлишни истасангиз, «Дарё»нинг Telegram’даги расмий спорт канали — @Daryo_Sport24’га обуна бўлинг!
Изоҳ (0)