“Navbahor” klubi bosh murabbiyi Andrey Kanchelskis “Ufa” yarim himoyachisi Oston O‘runov haqidagi fikrlari bilan o‘rtoqlashdi. Avvalroq Oston “Navbahor”da rossiyalik mutaxassis qo‘l ostida to‘p surgan.
O‘runovning ustunliklari
“Rahbariyat va murabbiylar shtabi uni “Spartak”da ko‘rishni istadimi, demak, buni to‘g‘ri transfer desa bo‘ladi. O‘runov bilan birga ishlaganman, uning ko‘rsatkichlari aqlbovar qilmas darajada, kelajagi bor, agar salohiyatlarini to‘g‘ri yo‘naltira olsa, u kuchli futbolchi bo‘lib yetishishi mumkin.
Bu yigitda jismoniy ko‘rsatkichlar yaxshi, texnik tomondan to‘yingan, tezligi bor, birga bir vaziyatga aldab o‘ta oladi. Agar bu jihatlarini yanada o‘stira olsa, yaxshi transfer bo‘ladi. Biroq uning muxlislar bosimiga dosh bera olishi, “Spartak” uni qanday qilib va qayerda o‘ynatishi — katta savol.
Aytgancha, ta’kidlab o‘taman, O‘runovning zarbasi yomon emas. Ba’zi hollarda qo‘qqisdan zarba yo‘llab qolishi mumkin. U uzoq masofadan gollar urgan va xavfli vaziyatlar sodir eta olgan. O‘ng oyog‘ida chapdagidan yaxshiroq harakat qiladi.
Ostonning kamchiliklari
“O‘runovda bir nechta kamchiliklar bor. Birinchisi — u o‘z yarim maydonida to‘p bilan muomala qilishni yaxshi ko‘radi. Aldashga urinishi va to‘pni yo‘qotishi mumkin.
Biz uni markazdan uzoqroq o‘ynatishga harakat qilardik, u hujum orti, qanotda va uchinchi hujumchi sifatida o‘ynatardik. Terma jamoada esa istaganini qilishga imkon berilardi. Biz kelganimizdan keyin o‘zgardi va rivojlanishni boshladi.
Unga erkinlik berish jamoa uchun zararga ishlaydi. Men uni ko‘pincha hujumda o‘ynatardim, chunki raqib yarim maydonida to‘pni oldirish u qadar qo‘rqinchli emas.
O‘runov uzatmalarda ham juda yomon, degan fikrlar bor. Demak, o‘rganish kerak. Men uning uzatmalarida muammo bor demagan bo‘lardim. U, albatta, Fernando emas, biroq Tedeskoning shtabi uning o‘yinini kuzatgan va Ostondan qanday foydalanish kerakligini biladi. Hammasi Ostonni jamoada qanday kutib olishlari va ruhiy bosimga qay darajada dosh bera olishiga bog‘liq bo‘ladi.
Yana bir kamchilik — u murabbiylar ko‘rsatmalarini tushunish uchun rus tilini yaxshiroq o‘rganishi kerak. “Spartak”dagi kabi atmosferada u juda tez o‘rganib ketadi”, — deydi mutaxassis.
Avvalroq “Spartak” Oston O‘runov transferi borasida “Ufa” bilan kelishib olgani va futbolchi koronavirusdan xalos bo‘lishi bilan shartnoma rasmiylashtirilishi xabar qilingandi. Transfer 2 million yevroga baholangan. 19 yoshli futbolchi moskvaliklar safida yiliga 600 ming yevro maosh oladi.
Mavzguga doir:
Yanada ko‘proq futbol va sport yangiliklaridan boxabar bo‘lishni istasangiz, “Daryo”ning Telegram’dagi rasmiy sport kanali — @Daryo_Sport24’ga obuna bo‘ling!
Izoh (0)