Futbol bo‘yicha Italiya chempionatining 37-turida “Inter” va “Napoli” jamoalari 28-iyul, seshanba kuni o‘zaro bahs yuritdi.
Uchrashuvning 11-daqiqasida Danilo D′Ambrozio milanliklarni oldinga olib chiqdi. 74-daqiqada Lautaro Martines jarima maydoni tashqarisidan aniq zarba yo‘llab, yakuniy hisobni o‘rnatdi.
Mazkur g‘alabadan keyin Antonio Konte shogirdlari 79 ochko bilan 2-o‘rinda bormoqda. “Napoli” (59) esa 7-o‘rinni band etgan.
Shuningdek, “Atalanta” jamoasi “Parma” maydoniga mehmon bo‘ldi va irodali g‘alabani qo‘lga kiritdi. Bergamoliklar 78 ochko bilan 3-pog‘onada bormoqda.
A Seriya
37-tur bahslari
28-iyul, seshanba
“Parma” — “Atalanta” 1:2
Gollar: 1:0 – 43 Kulusevski, 1:1 – 70 Malinovskiy, 1:2 – 84 Gomes.“Inter” — “Napoli” 2:0
Gollar: 1:0 – 11 D`Ambrozio, 2:0 – 74 Martines.“Inter”: Handanovich, D`Ambrozio, de Vrey, Bastoni, Biragi (Yang, 79), Brozovich, Kandreva (Godin, 60), Valero (Eriksen, 89), Barella, Sanches (Martines, 60), Lukaku (Mozes, 89).
“Napoli”: Meret, Kulibali, Hyusay (Malkyui, 84), Mariu Ruy (Gulyam, 65), Maksimovich, Elmaz, Demme, Politano (Losano, 75), Zelinski (Allan, 65), Insinye, Milik (Kalyexon, 84).
Ogohlantirishlar: Sanches (22), Brozovich (45), Barella (55), Biragi (76), Losano (80).
Yanada ko‘proq futbol va sport yangiliklaridan boxabar bo‘lishni istasangiz, “Daryo”ning Telegram’dagi rasmiy sport kanali — @Daryo_Sport24’ga obuna bo‘ling!
Izoh (0)