«Навбаҳор» клуби бош мураббийи Андрей Канчельскис «Уфа» ярим ҳимоячиси Остон Ўрунов ҳақидаги фикрлари билан ўртоқлашди. Аввалроқ Остон «Навбаҳор»да россиялик мутахассис қўл остида тўп сурган.
Ўруновнинг устунликлари
«Раҳбарият ва мураббийлар штаби уни «Спартак»да кўришни истадими, демак, буни тўғри трансфер деса бўлади. Ўрунов билан бирга ишлаганман, унинг кўрсаткичлари ақл бовар қилмас даражада, келажаги бор, агар салоҳиятларини тўғри йўналтира олса, у кучли футболчи бўлиб етишиши мумкин.
Бу йигитда жисмоний кўрсаткичлар яхши, техник томондан тўйинган, тезлиги бор, бирга бир вазиятга алдаб ўта олади. Агар бу жиҳатларини янада ўстира олса, яхши трансфер бўлади. Бироқ унинг мухлислар босимига дош бера олиши, «Спартак» уни қандай қилиб ва қаерда ўйнатиши — катта савол.
Айтганча, таъкидлаб ўтаман, Ўруновнинг зарбаси ёмон эмас. Баъзи ҳолларда қўққисдан зарба йўллаб қолиши мумкин. У узоқ масофадан голлар урган ва хавфли вазиятлар содир эта олган. Ўнг оёғида чапдагидан яхшироқ ҳаракат қилади.
Остоннинг камчиликлари
«Ўруновда бир нечта камчиликлар бор. Биринчиси — у ўз ярим майдонида тўп билан муомала қилишни яхши кўради. Алдашга уриниши ва тўпни йўқотиши мумкин.
Биз уни марказдан узоқроқ ўйнатишга ҳаракат қилардик, у ҳужум орти, қанотда ва учинчи ҳужумчи сифатида ўйнатардик. Терма жамоада эса истаганини қилишга имкон бериларди. Биз келганимиздан кейин ўзгарди ва ривожланишни бошлади.
Унга эркинлик бериш жамоа учун зарарга ишлайди. Мен уни кўпинча ҳужумда ўйнатардим, чунки рақиб ярим майдонида тўпни олдириш у қадар қўрқинчли эмас.
Ўрунов узатмаларда ҳам жуда ёмон, деган фикрлар бор. Демак, ўрганиш керак. Мен унинг узатмаларида муаммо бор демаган бўлардим. У, албатта, Фернандо эмас, бироқ Тедесконинг штаби унинг ўйинини кузатган ва Остондан қандай фойдаланиш кераклигини билади. Ҳаммаси Остонни жамоада қандай кутиб олишлари ва руҳий босимга қай даражада дош бера олишига боғлиқ бўлади.
Яна бир камчилик — у мураббийлар кўрсатмаларини тушуниш учун рус тилини яхшироқ ўрганиши керак. «Спартак»даги каби атмосферада у жуда тез ўрганиб кетади», — дейди мутахассис.
Аввалроқ «Спартак» Остон Ўрунов трансфери борасида «Уфа» билан келишиб олгани ва футболчи коронавирусдан халос бўлиши билан шартнома расмийлаштирилиши хабар қилинганди. Трансфер 2 миллион еврога баҳоланган. 19 ёшли футболчи москваликлар сафида йилига 600 минг евро маош олади.
Мавзгуга доир:
Янада кўпроқ футбол ва спорт янгиликларидан бохабар бўлишни истасангиз, «Дарё»нинг Telegram’даги расмий спорт канали — @Daryo_Sport24’га обуна бўлинг!
Изоҳ (0)