Samarqand viloyati Jomboy tumani hududida joylashgan Zarafshon tabiat milliy bog‘ida 2000 kvadrat metr maydonda 26-iyul, yakshanba kuni soat 00:47 lar atrofida yong‘in sodir bo‘lgan. Bu haqda Favqulodda vaziyatlar vazirligi axborot xizmati xabar qilgan.
Xabarga ko‘ra, to‘qayzordagi quruq o‘t yonib ketgan. Yong‘in qutqaruv guruhi voqea joyiga yetib kelgan, maydon o‘rab olinib, favqulodda vaziyat bartaraf qilingan.
2020-yil 19-iyunda Sherobod tumanining shimoli-g‘arbiy hududida joylashgan “Surxon” davlat qo‘riqxonasida yong‘in sodir bo‘lgani to‘g‘risida xabar berilgan, keyinchalik Mudofaa vazirligi axborot va ommaviy kommunikatsiyalar departamenti yong‘inni o‘chirishga 2 ta vertolyot jalb etilganini ma’lum qilgan.
Izoh (0)