Rossiyada koronavirus bilan kasallanganlarning umumiy soni 800 ming kishidan oshdi, deya xabar bermoqda “Meduza”.
Rossiyaning COVID-19’ga qarshi kurash bo‘yicha federal shtab boshqarmasi ma’lumotlariga ko‘ra, 2020-yil 24-iyul kuni 5 811 nafar odamda virus aniqlandi.
Eng ko‘p kasallanish holatlari Moskvada (+645 odam), Sverdlovsk viloyatida (+248), Xanti-Mansiysk avtonom okrugida (+196) va Nijniy Novgorod viloyatida (+194) aniqlangan.
Rossiyada oxirgi sutka davomida 154 kishi koronavirusdan vafot etgan. Shunday qilib, kasallik qurbonlarining umumiy soni 13 466 nafarga yetgan.
Shu vaqtgacha mamlakatda koronavirus tashxisi qo‘yilgan 588 774 kishi sog‘aygan. Oxirgi 24 soat davomida esa 8 444 kishi shifoxonalardan chiqarilgan. Hozirda Rossiyada 199 029 nafar bemor COVID-19’dan davolanmoqda.
Rospotrebnadzorning xabar berishicha, kun davomida Rossiyada 299 mingta koronavirus uchun test topshirilgan. Epidemiya boshlanganidan beri bunday testlardan 26,3 millionta o‘tkazilgan.
Izoh (0)