Futbol bo‘yicha Angliya Premyer Ligasining 37-turida “Manchester Siti” 21-iyul, seshanba kuni “Uotford” mehmoni bo‘ldi.
Uchrashuvning 31-daqiqasida Rahim Sterling “shaharliklar”ni oldinga olib chiqqan bo‘lsa, oradan ko‘p o‘tmay futbolchi dublini nishonladi. Ikkinchi bo‘limda mehmonlar yana ikkita to‘p kiritishga erishdi.
63-daqiqada Fil Foden hisobni yirik ko‘rinishga olib keldi. Oradan uch daqiqa o‘tib Emerik Lyaport jamoasining to‘rtinchi golini urdi.
Mazkur g‘alabadan keyin “Manchester Siti”ning ochkolari 78 taga yetkazib oldi va 2-o‘rinda bormoqda. “Uotford” (34) esa 17-pog‘onani band etgan.
APL
37-tur bahsi
21-iyul, seshanba
“Uotford” — “Manchester Siti” 0:4
Gollar: 0:1 – 31 Sterling, 0:2 – 40 Sterling, 0:3 – 63 Foden, 0:4 – 66 Lyaport.“Uotford”: Foster, Kabasele, Douson, Mariappa, Femeniya, Pereyra (Mazina, 87), Kleverli, Hyuz, Dukure (Chaloba, 82), Sarr, Dini (Uelbek, 67).
“Manchester Siti”: Ederson, Joau Kanselu, Uoker (Zinchenko, 64), Lyaport (Stounz, 74), Erik Garsiya, Rodri Ernandes, Bernardu Silva, Foden, de Bryuyne, Sterling (Mahrez, 64), Gabriel Jezus.
Ogohlantirishlar: Mariappa (80), Hyuz (90).
Yanada ko‘proq futbol va sport yangiliklaridan boxabar bo‘lishni istasangiz, “Daryo”ning Telegram’dagi rasmiy sport kanali — @Daryo_Sport24’ga obuna bo‘ling!
Izoh (0)