Футбол бўйича Англия Премьер Лигасининг 37-турида «Манчестер Сити» 21 июль, сешанба куни «Уотфорд» меҳмони бўлди.
Учрашувнинг 31-дақиқасида Раҳим Стерлинг «шаҳарликлар»ни олдинга олиб чиққан бўлса, орадан кўп ўтмай футболчи дублини нишонлади. Иккинчи бўлимда меҳмонлар яна иккита тўп киритишга эришди.
63-дақиқада Фил Фоден ҳисобни йирик кўринишга олиб келди. Орадан уч дақиқа ўтиб Эмерик Ляпорт жамоасининг тўртинчи голини урди.
Мазкур ғалабадан кейин «Манчестер Сити»нинг очколари 78 тага етказиб олди ва 2-ўринда бормоқда. «Уотфорд» (34) эса 17-поғонани банд этган.
АПЛ
37-тур баҳси
21 июль, сешанба
«Уотфорд» — «Манчестер Сити» 0:4
Голлар: 0:1 – 31 Стерлинг, 0:2 – 40 Стерлинг, 0:3 – 63 Фоден, 0:4 – 66 Ляпорт.«Уотфорд»: Фостер, Кабаселе, Доусон, Мариаппа, Фемения, Перейра (Мазина, 87), Клеверли, Хьюз, Дукуре (Чалоба, 82), Сарр, Дини (Уэлбек, 67).
«Манчестер Сити»: Эдерсон, Жоау Канселу, Уокер (Зинченко, 64), Ляпорт (Стоунз, 74), Эрик Гарсия, Родри Эрнандес, Бернарду Сильва, Фоден, де Брюйне, Стерлинг (Маҳрез, 64), Габриэль Жезус.
Огоҳлантиришлар: Мариаппа (80), Хьюз (90).
Янада кўпроқ футбол ва спорт янгиликларидан бохабар бўлишни истасангиз, «Дарё»нинг Telegram’даги расмий спорт канали — @Daryo_Sport24’га обуна бўлинг!
Изоҳ (0)